1996 оноос хойш тоглоом болон кино зэрэг нь бүтээгдэж ирсэн алдарт цуврал болох Tomb Raider -г сонсож байгаагүй нохой ч бараг байхгүй байлгүй дээ. Зөвхөн Лара (Tomb Raider -н гол дүр бүсгүй) -р гол дүрийг нь бүтээсэн 10 гаруй тоглоомууд байдаг бөгөөд тус цувралын хамгийн сүүлчийн хувилбар буюу “ХАМГИЙН ЦАРАЙЛАГ ЛАРАТАЙ” цуврал нь 2015 оны төгсгөлд худалдаанд гарсан юм.
Шүүмжлэгчдээс төгс үнэлгээг авч чадаагүй ч боломжийн үнэлгээг авсан тус тоглоом нь зөвхөн буудалцах бус нууцыг тайлах, түүхийг судлах, саад бартааг давах гэсэн Tomb Raider -н үндсэн онцлогоо хэвээр авч үлдсэн нь энэхүү цувралыг сайн мэдэхгүй хүмүүст маш сонирхолтой байх болов уу. Мөн Лара маань зөвхөн видео тоглоом дотор бус кино дэлгэцнээ хүртэл хит болж амжсан бөгөөд 2001 онд жүжигчин Анжелина Жолие нь үзэсгэлэнт Лара -гийн дүрийг бүтээж байж ээ. 2018 онд мөн адил Tomb Raider кино бүтээгдэх нь ил болсон нь энэхүү дүр, цувралыг ямар алдартай вэ гэдгийг харуулж байгаа юм.
